એબીજી શીપ યાર્ડ કૌભાંડ
સુરતના મગદલ્લા ખાતે આવેલી ABG SHIP YARDમાં CBI દ્વારા દરોડા પાડવામાં આવ્યા બાદ રૂ.23 હજાર કરોડના કૌભાંડમાં ચોંકાવનારી વિગતો બહાર આવી છે. સીબીઆઇની અલગ અલગ ટીમો દ્વારા હાલમાં અમદાવાદ અને મુંબઇ ખાતે પણ ABGની ઓફિસ સહિતના સ્થળો પર તપાસનો ધમધમાટ ચાલી રહ્યો છે અને અનેક વાંધાનજક દસ્તાવેજો કબજે કરવામાં આવ્યા છે. ખાસ કરીને બેન્કો સાથે ABG SHIP YARDના સંચાલકોએ આચરેલી ગોબાચારીને લગતા દસ્તાવેજી પુરાવાઓ CBI દ્વારા એકત્ર કરવામાં આવ્યા છે. જેના કારણે આગામી દિવસોમાં મોટા ખુલાસા થશે.INDIA NEWS GUJARAT
સુરતના મગદલ્લા ખાતે આવેલી ABG SHIP YARD દ્વારા અલગ અલગ બેન્કો પાસેથી અંદાજે રૂપિયા 23 હજાર કરોડની લોન લઇને ચૂનો લગાવવામાં આવ્યો છે. આ કૌભાંડને પગલે CBI દ્વારા એબીજીની સુરત ઓફીસ ઉપરાંત આર્થિક પાટનગર મુંબઇ તેમજ અમદાવાદ ખાતેની ઓફીસો પર સામુહિક દરોડા પાડવામાં આવ્યા હતા. CBI દ્વારા આ તમામ પ્રિમાઇસીસમાં વ્યાપક તપાસ કરવામાં આવી હતી તેમજ ABG SHIP YARDમાંથી કોમ્પ્યુટર હાર્ડ ડિસ્ક, લેપટોપ સહિત રોકડ રકમ અને દસ્તાવેજી પુરાવાઓ એકત્ર કરવામાં આવ્યા છે. જે વિગતો હાથ લાગી છે તેના આધારે આગળની કાર્યવાહી કરવામાં આવશે. ખાસ કરીને CBIની દરોડાની કાર્યવાહીને પગલે આ કંપનીનું નામ હવાલા કૌભાંડમાં પણ હોઇ શકે છે એવી સંભાવનાઓ જોવાઇ રહી છે.-INDIA NEWS GUJARAT
CBIની કાર્યવાહીમાં હાથ લાગેલી વિગતોના આધારે ED ના અધિકારીઓ પણ સતર્ક થઇ ગયા છે અને તેમના દ્વારા તેમના સ્તર પરથી ઇનપુટ મેળવવામાં આવી રહ્યા હોવાનું કહેવાય છે. આગામી દિવસોમાં CBI દ્વારા આ મામલે મોટા ખુલાસા કરવામાં આવશે એવી સંભાવના છે. ઉપરાંત CBI દ્વારા જે બેન્કોના નાણા ડુબ્યા છે તેને પરત અપાવવાની દિશામાં પણ કાર્યવાહી કરવામાં આવશે એવુ સૂત્રો જણાવી રહ્યા છે. જો આ મામલામાં ED દ્વારા કાર્યવાહી કરવામાં આવશે તો તેમાં પણ ચોંકાવનારી વિગતો હાથ લાગવાની સંભાવનાઓ સૂત્રો વ્યક્ત કરી રહ્યા છે.INDIA NEWS GUJARAT
આપ આ પણ વાંચી શકો છોઃ-રૂ.150 કરોડની GST ચોરી મામલે સુરતમાં મુંબઇ GSTના દરોડા – India News Gujarat
આપ આ પણ વાંચી શકો છોઃ-સુરતથી TEXTILE એક્સપ્રેસના માધ્યમથી પાંચ માસમાં રૂ.1250 કરોડના પાર્સલ મોકલાયા -INDIA NEWS GUJARAT
Get Current Updates on, India News, India News sports, India News Health along with India News Entertainment, and Headlines from India and around the world.
